Полиция кішкентай қызды ұрлау және оның нағашысын өлтіру ісі бойынша күдіктіні ұстады, — деп хабарлайды Massaget.kz тілшісі ІІМ баспасөз қызметіне сілтеме жасап.
Қылмыс Алматы облысының Талғар қаласында болған. Полицияның мәліметінше, күдікті жергілікті тұрғынды атып өлтіріп, оның кішкентай жиенін ұрлап, оқиға орнынан қашып кеткен.
Кейін ІІМ баспасөз қызметі арнайы жасақ баланы босатып, анасымен қауыштырғанын мәлімдеді. Кейін күдікті ұсталғаны белгілі болды.
"Күдікті ұсталды. Қылмыс құралы, шолақ мылтық, тәркіленді", – деп хабарлады ІІМ.
Қызықты жаңалықтар мен видеоларды көру үшін TikTok арнамызға жазылыңыз!
