Алжир Парламенті елді 1830-1962 жылдар аралығында отарлаған Францияның әрекеттерін ресми түрде қылмыс деп бағалаған заң жобасын қабылдады.
Құжатта Франция Алжирді отарлау кезеңінде жасаған зорлық-зомбылық, ел байлығын жүйелі түрде тонау сияқты әрекеттері үшін құқықтық жауапкершілік алуы тиіс деп көрсетілген. Сондықтан Алжир халқының бұл үшін материалдық және моральдық әділ өтемақы талап етуге құқылы екені айтылған.
