Парламент Сенатының төрағасы Астана халықаралық форумына қатысу үшін келген БҰҰ Бас хатшысының орынбасары әрі ұйымның Даму бағдарламасы Әкімшісінің орынбасары Хаолянь Шумен кездесті. Мәулен Әшімбаев мәртебелі мейманға ризалығын жеткізді.
Бұл сапар Қазақстан мен Біріккен Ұлттар Ұйымы арасындағы ынтымаққа тың серпін беретінін атап өтті. Сондай-ақ Мемлекет басшысы жүргізіп жатқан реформалардың маңызына тоқталды. Биыл қыркүйекте өтетін «Діндер диалогы: болашақ жолындағы синергия» атты Әлемдік және дәстүрлі діндер көшбасшыларының VIII съезіне дайындық жұмысы туралы айтты.
