Биыл Мемлекет басшысы 23 рет шетелге шықты.
Оның ішінде Ресейге және Өзбекстанға мемлекеттік сапармен барды. Қытай, Иордания, Түркия, Қырғызстан және Жапонияға ресми сапары ұйымдастырылды. Сонымен қатар Ресей, АҚШ, Түрікменстан, БАӘ, Өзбекстан, Әзербайжан, Тәжікстан және Қырғызстанға 16 мәрте жұмыс сапарымен барып қайтты. Бір жыл ішінде Президент өңірлерге және шетелге жасаған сапары барысында 168 960 шақырым жол жүрген. 252 сағатын ұшақта өткізді. Шет мемлекеттердің үкімет басшылары, жоғары лауазымды тұлғалары, халықаралық құрылым жетекшілері, іскерлік топ өкілдері және сарапшылармен 186 кездесу өткізді. Соның аясында жалпы сомасы 70 миллиард доллардан асатын коммерциялық келісімдер жасалды.
