Жетісу облысында 53 адам қар құрсауынан шығарылды.
Сарыөзек-Көктал бағытындағы жолда 47 адам құтқарылды. Алты адам Үшарал мен Достық ауылының ортасында қалып қойған. Олар Көктал елді мекеніне жеткізілді. Боранда жолда қалғандар медициналық көмектен бас тартты. Зардап шеккендер жоқ. Өңірде кешеден бері бұрқасын соғып тұр. Ақши ауылының құтқарушылары қарға батқан жеңіл көлікті алып шықты. Ақтүтек боранға байланысты Жетісу мен Абай облысының арасындағы Алматы — Өскемен автомагистралі уақытша жабылды.
