Қарағанды тұрғындары туристік агенттікке алданып қалды. Күдікті қамауға алынды, — деп хабарлайды Massaget.kz тілшісі.
Қарағанды қаласының 53 жастағы тұрғыны полицияға арызданған. Әйел көптен күткен демалысын ұйымдастыру үшін турагентке 900 мың теңге берген, алайда уәде етілген сапар жүзеге аспай қалған.
"Бұл дерек бойынша соталды тергеу басталды. Полицияға осы туристік агенттіктің қызметіне шағымданған тағы 34 азаматтың өтініші түсті. Күдікті өз әрекетін валюта бағамы күрт өсуімен және соның салдарынан туындаған қаржылық қиындықтармен байланыстырды", — деді ІІМ өкілдері.
Тергеу мәліметінше, жәбірленушілерге келтірілген жалпы материалдық залал — шамамен 52 миллион теңге.
Өзекті жаңалықтарды өз уақытында оқу үшін Facebook парақшамызға жазылыңыз!
