Футбол жанкүйерлері асыға күтіп жүрген «Қайрат» - «Реал» матчының билеттері әлі сатылымға шыққан жоқ.
Сондықтан қалалық полиция қызметкерлері тұрғындарды алаяқтарға алданып қалмауды ескертеді. Құқық қорғау органдарының мәліметінше, ойын қарсаңында әлеуметтік желілерде билет сатамыз деген адамдар пайда болған. Мұндай жерлерден алынған билетпен матчқа кіре алмай қалуыңыз мүмкін. Осындай жағдайлардың алдын алу үшін полиция билеттерді тек клубтың ресми кассаларынан және лицензиясы бар таратушылардан сатып алуға кеңес береді. Айта кетейік, Чемпиондар лигасының топтық кезеңіндегі «Қайраттың» алғашқы кездесуі 30 қыркүйекте Алматыдағы Орталық стадионда өтеді. Ірі спорттық шараға байланысты сол күні стадионның айналасында көлік қозғалысы шектелуі мүмкін.
Тимур Ноғайбаев, қалалық полиция департаментінің өкілі:
- Бұл іс-шараға шамамен екі жарым мыңдай полиция қызметкерлері және 300-дей Ұлттық Ұланның сарбаздары қоғамдық тәртіп сақтау мақсатында осы шараға жұмылдыралады. Және алаңдаушылық тудыратын жағдай ол билет сатушылар. Әлеуметтік желіде және басқа порталдарда делдал көп. Сол делдалдарға сеніп, жалған билеттерді алмауларыңызды сұраймыз.
