Ақмола облысында соңғы үш айда медициналық ұйымдардағы кемшіліктер 2 есеге азайды , деп хабарлайды 24kz.
Бұл өңірде қолға алынған медициналық көмекке ақы төлеудің бірыңғай жүйесінің жемісі. Пилоттық жоба қаржының тиімді жұмсалуын қадағалап, заңбұзушылықтарды анықтауға бағытталған. Жаңа жүйе көкшелік мамандардың көңілінен шығып отыр. Жалпы қазір өңір тұрғындарының 82%-і медициналық сақтандыру жүйесімен қамтылған.
Талғат Тұрмағанбет, Міндетті әлеуметтік медициналық сақтандыру қоры облыстық филиалының басшысы:
- Үш айдан артық пилотта жүрдік. Әрине, медициналық ұйымдармен бірқатар келіспеушіліктер болды. Өз ескертулері мен ұсынымдарын берді. Соның арқасында жүйе әрқашан дамып, жақсарып отырды. Мысалы, дефектілер 2 есе азайды. Басында 46 болса, қазір 24-ке дейін азайды. Осының бәрі осындай пилоттың арқасында.
