Мемлекетке келтірілген залал 9 млн теңгеден асты.
Ақмола облысындағы Жөкей көлінде заңсыз балық аулаған 3 ер адамның әрқайсысы 4 жылға сотталды, деп жазады inbusiness.kz сайты.
Тергеу анықтағандай, 2024 жылдың қыркүйегінде 3 азамат алдын ала сөз байласу арқылы үрлемелі қайықтарды пайдаланып, түнгі уақытта көлден жабынды тормен 640 килограммнан астам балық аулаған.
Біржан сал ауданының прокуратурасы "Бурабай" МҰТП құрамына кіретін және ерекше қорғалатын табиғи аумаққа жататын Жөкей көлінде заңсыз балық аулаумен айналысқан адамдар тобына қатысты қылмыстық іс бойынша (Қазақстан Республикасының Қылмыстық кодексінің 335-бабы 4-бөлігінің 1 тармағы) сапалы және жан-жақты қадағалауды қамтамасыз етті.
Аудан прокуроры айыпталушыларды Ақмола облысының қылмыстық істер жөніндегі мамандандырылған ауданаларық сотына беріп, мемлекеттік айыптауды қолдады, онда сот пен алқабилер алдында олардың кінәларының толық дәлелдегенін қамтамасыз етті.
1 желтоқсанда сот үкімімен 3 азамат кінәлі деп танылып, балық аулау кәсібімен айналысу құқығынан 5 жыл мерзімге айыра отырып, 4 жылға бас бостандығынан айыру жазасына сотталды.
