АҚШ-тың 20 штаты Дональд Трамптың әкімшілігін сотқа берді. Бұған Ақ үй басшысының визасы үшін алымдарды 100 мың долларға дейін көтеруі себеп болып отыр. Бұл туралы Калифорнияның бас прокуроры Роб Бонта мәлімдеді. Прокурордың сөзінше, Трамптың президент ретінде мұндай ережені енгізуге құқығы жоқ. Ол дәл осы виза үшін алымның едәуір қымбаттауы Құрама Штаттардағы білім, денсаулық сақтау жүйесі салаларына кері әсер ететінін айтады.
Жергілікті бұқаралық ақпарат құралдарының сарапшылары жаңа жоғары визалық төлемдер Amazon, Microsoft және Google сияқты технологиялық алпауыт компанияларға қатысты болатынын мәлімдеді. Н-1B — АҚШ-тың иммиграциялық емес визасы. Ол америкалық жұмыс берушілерге шетелдік жоғары білікті мамандарды, соның ішінде технология, инженерия және денсаулық сақтау салаларындағы қызметкерлерді жалдауға мүмкіндік береді.
