Ақмола облысында сталкинг дерегіне қатысты алғашқы қылмыстық іс қозғалды, деп хабарлайды 24KZ. Онда әйел бұрынғы танысының оны аңдып жүргенін айтып, полицияға арызданған.
Тәртіп сақшыларының мәліметінше, 38 жастағы ер адам түрлі нөмірлерден әйелге телефон шалып, жұмыс орнына, үйіне барып, қоғамдық орындарда аңдып жүрген. Шағымға байланысты Қылмыстық кодекске жаңадан енгізілген 115-1-бабы бойынша іс қозғалды. Ер адам өзінің әрекетін «қатынасты қалпына келтіру талпынысы» деп түсіндіргенімен, құқыққа қайшы әрекет жасағанын мойындаған. Сондай-ақ «Сталкинг» бабы бойынша Атырау және Павлодар облыстарында да қылмыстық іс тіркелгенді.
Еске салайық, Қазақстанда сталкинг үшін 200 АЕК-ке дейін айыппұл, 200 сағатқа дейін қоғамдық жұмыстар немесе 50 тәулікке дейін қамауға алу түріндегі қылмыстық жауапкершілік қарастырылған.
Нұрлан Жаңабаев, заңгер:
- Зардап шеккенге психологиялық жағынан қиындау мұның бәрін делелдеу керек. 115-1 бабы бойынша Қылмыстық кодексте заңсыз қудалау, мәжбүрлеу немесе тұрмыстық зорлық-зомбылық деп көрсетілген. Сталкингке тек жазған емес, бұның ішіне әйел адамның немесе ер адамның артынан аңду да кіреді. Соны ұмытпаңыздар, жалғыз тек қана WhatsApp, Instagram-ға жазу емес, аңду, жазу немесе пошта арқылы жазуы да мүмкін. Әрқайсысында әртүрлі жағдай болады.
