Алматыда кеше түнде ірі өрт болды — бірден екі үй өртенді. Өрт орнынан адам денесі табылды, деп хабарлайды қалалық Төтенше жағдайлар департаментіне сілтеме жасаған KAZ.NUR.KZ.
Төтенше жағдайлар департаментінің парақшасында хабарланғандай, 12 маусымда түннің ортасына қарай Түрксіб ауданында жоғары дәрежедегі шақырту бойынша өртке шыққан кезде Международная көшесінде жалпы ауданы 500 шаршы метрден асатын екі тұрғын үйдің өртенуіне байланысты өрт сөндіру көлігі аударылып қалды.
Абырой болғанда, зардап шеккендер жоқ. Көлік жедел түрде қалпына келтіріліп, техникалық жағдайы қалыпты күйде оқиға орнына жұмылдырылды.
Жедел штаб құрылды, бірнеше сөндіру учаскелері ұйымдастырылды. 15 техника бірлігі мен 50-ден астам жеке құрам тартылды.
Бірнеше меншік иесіне тиесілі тұрғын үйде өрт шығып, көршілес төрт адамға тиесілі басқа үйге, монша мен шаруашылық құрылысына тараған. Жалпы өрт аумағы — 500 шаршы метр.
Өртті сөндіру кезінде газ баллоны жарылды, абырой болғанда жеке құрам арасында зардап шеккендер жоқ.
Жедел шаралардың арқасында сағат 00:55-те өрт оқшауланды. Өртті сөндіру барысында бір адамның мәйіті табылды. Оқиғаның мән-жайы анықталып жатыр.
