Елде егіс науқаны алғаш рет уақытында аяқталды. Бұған қаржыландыру тәсілдерін қайта қарау сеп болған. Оған сәйкес фермерлерге жеңілдетілген несиелер бұрынғыдай науқан басталған кезде, яғни наурыз айында емес, жыл соңында желтоқсан айынан беріле бастады .
Осылайша дала жұмыстарын уақытылы өткізуге, егіс көлемін арттыруға және материалдық-техникалық базаны жаңартуға мүмкіндік болды. Биыл 23,7 млн гектар алқапқа дән себілді. Оның 3,4 млн гектарына майлы дақылдар, 3,3 млн гектарына мал азығы, 167,5 мың гектарына жүгері, 222,3 мың гектарына көкөніс егілді. Сонымен қатар картоптың алқабы 83,4 мың гектарға жеткен. Осылайша егісті әртараптандыру жұмыстары елдің азық-түлік қауіпсіздігін нығайтуға және агроөнеркәсіп кешенінің экспорттық әлеуетін артыруға жағдай жасады.
