Еуроодаққа мүше мемлекет басшылары Украинаға 90 миллиард еуро бөлмек.
Қаражат осыған дейін айтылғандай Ресейдің тоқтау салынған активтерінен емес, жалпы бюджеттен жұмсалады. Ал Мажарстан, Чехия және Словакия Украинаны қаржыландыруға қатыспайды. Осылайша Киев алдағы екі жылға пайызсыз несие алады. Айта кету керек, бастапқы жоспар бойынша қаржыландыру Ресейдің резервтері есебінен жүзеге асырылуы керек еді. Алайда одақтың бірнеше елдері бұған қарсылық танытты. Еуроодақ, Канада, АҚШ пен Жапония Ресейдің 300 миллиард доллар көлеміндегі активтерін тоқтатқан. 210 миллиард доллар Бельгиядағы Euroclear халықаралық алаңында сақтаулы тұр.
