Талдықорғанда 3 бірдей шағын аудан бой көтеріп, Қаратал өзенінің оң жағалауына тұрғын үйлер салына бастайды.
Бүгін қала әкімі Ернат Бәзіл қаланың даму жоспарын таныстырып, атқарылған жұмыстарды баяндады. Биыл облыс орталығында бірнеше өндіріс орыны ашылды. 200 тұрғын үй салынып, жаңа тұрғын үй алабы пайда болды. Ұзақ жыл бойы қараусыз қалған әскери қалашықтағы әлеуметтік мәселелер де шешімін таба бастады.
Биыл «Ұлан» шағын ауданындағы 20 үйдің қасбеті қалыпқа келтіріліп, балкондары ауыстырылды. Ауладағы ойын алаңдары жаңартылды.
Гүлнұр Тоқтабекова, қала тұрғыны:
- Үш жыл бұрын көшіп келдік. Сол кезде түк жоқ болатын. Қазір бәрі бар. Рахмет салып жатқанына. Көркейтіп жатыр военный городокты.
Қалада биыл газбетон, керамика, әлектр жабдықтарын шығаратын кәсіпорын және кондитерлік өнім дайындайтын цех ашылды. Аккумулятор зауытында жаңа желі іске қосылды.
Талғат Қонақбаев, зауыттың өндірістік директоры:
- Телекоммуникация, аурухана мен жел диірмендеріне, үлкен кәсіпорындарға арналған батарея құрылғыларын шығарамыз. Өндірісті толықтай жаңғыртып, цифрландыру жүйесін енгіздік.
Шаһарда ескірген инфроқұрылымдық желілер де жаңартылып жатыр. Биыл жүзден аса көшеге асфальт төселіп, «Жастар-3» деп аталатын жаңа шағын аудан бой көтерді.
Ернат Бәзіл, қала әкімі:
- 790 үй жоспарланып отыр. Былтыр біз 56 үйін бітірдік. Биыл біз 206 үйді толық толық бітіріп, Отбасы банкке беруге дайынбыз. Және 9 ықшам ауданында екі үлкен үйдің құрылысын бітіріп жатырмыз.
Келесі жылы «Батыс» пен «Құлагер» ықшам ауданында мектеп салынып, жаңа тұрғын үй алабының негізі қаланады.
Ернат Бәзіл, қала әкімі:
- 11,12,13 ықшам ауданында біз инфроқұрылымдық желілерді бастап кеттік. Бүгінгі таңға. Келесі жылы аяқтаймыз да республикалық бюджеттен пожарный депо салынып жатыр. Үй құрылысы салынады. Үлкен қазандығымыз салынып жатыр. Үлкен бағыт. Екі үш жылда дамитын.
Ал 2027 жылдан бастап Қаратал өзенінің оң жағалауы дамытылады. Жаңа ықшам ауданда тұрғын үйлер, медициналық және әлеуметтік нысандар салу жоспарланып отыр.
Шыңғыс Қалиден, Қуаныш Түргенбаев
