Қарағандыда Республика күніне арналған «Болашақ Қазақстан — жастар көзімен» атты форсайт-акция өтті.
Сұрыптау ауылының кітапханасында өткен шараға қатысушылар экология, цифрлық даму, мәдениет пен салт-дәстүр тақырыптарында пікір алмасты. Сонымен қатар шығармашылық постер дайындап, викториналық сұрақтарға жауап берді. Ойын түріндегі әдеби-спорттық дуэльде білімдерін сынады. Шара соңында Қазақстан тәуелсіздігінің тарихынан сыр шерткен кітап көрмесімен танысты.
Дана Ақпанбекова, кітапхана меңгерушісі:
- 25 қазан Республика күніне орай ұйымдастырылып отырған ерекше форматтағы шара. «Болашақ Қазақстан-жастар көзімен» атты форсайт-акция. Форсайт дегеніміз болашақты болжау, елестету. Мақсатымыз-жастарды патриотизмге, болашағын ойлауға, еліміздің болашағын ойлауға қалыптастыру.
