Өзбекстанда Абай күні кеңінен тойланып жатыр .
Ұлы ойшылдың құрметіне елдің түпкір-түпкірінде жыр мүшәйралары, ғылыми практикалық конференциялар мен концерттер ұйымдастырылуда. Жалпы Өзбек үкіметі хәкім Абайдың 180 жылдығына қазынадан 152 млн сум қаржы бөлді. Бұл сомма Абай мұраларын зерттеуге, қазақ-өзбек руханиятын дамытуға жұмсалмақ.
Дулат Нуркин, тілші:
- Өзбекстанның түпкір-түпкіріндегі қазақтар Абай күнін атап өтуге Ташкентке жиналды. Ұлы ойшылдың ескерткішіне келіп, гүл шоқтарын қойды. Өлеңдерін жатқа оқыды. Көпшілік Абай мұрасын зерттеп жүрген ғалымдардың, ақын жазушылардың еңбектерімен танысты.
Қытай азаматы Қызырбек Жанасылұлы алғаш Абай өлеңдерімен 1951 жылы танысады. Ол жинақ Ахмет Байтұрсыновтың төте жазуымен басылған кішігірім кітап еді, — дейді. Қандасымыз қазір Қытайдың халық радиосында жұмыс істейді. Өзі дәулескер күйші. Авторлық бағдарламаларында үнемі Абай шығармаларын насихаттап жүреді екен.
Қызырбек Жанасылұлы, Қытай халық радиосының дикторы:
- Біз жас кезімізден бастап Абай Құнанбайұлының өлеңдерін жаттап өстік. Біздің ағаларымыз әкелеріміз, Абай өлеңдерін құлағымсызға құйып өсірді.
Абай ескерткішіне гүл шоқтарын қою үшін Өзбекстан жоғарғы билігінің өкілдері, осы жақтағы қазақ мәдени орталық жетекшілерімен қарапайым тұрғындар келді. Ұлы ойшылға тағызым жасалды. Шығармаларынан үзінді оқылып, ән шырқалды.
Ержан Мұқашев, отандастар қорының коммуникация және халықаралық қатынастар жөніндегі басқарушы директоры:
- Біз Өзбекстанмен тату көршіміз. Бауырлас халық. Сондықтан абайдың 180 жылдығы өте маңызды деп ойламын. Тек экономика емес, мәдени гуманитарлық байланыстар өте маңызды роль атқарады деп ойламын.
Шараға жиылғандар Қазақстан елшілігінің ішін аралап, көрші мемлекеттердің достық, дипломатиялық қарым-қатынасы бағытында қазір атқарып жатқан жұмыстары жайлы мағлұмат алды.
Дулат Нуркин
