Ақтөбеде «Таза Қазақстан» жалпыұлттық акциясы аясында «Жасыл ел» еңбек жасағының сарбаздары жасыл-желекті күтіп ұстаудың негіздерін үйренді. Шеберлік сабағында тәжірибелі орман инженерлері жас көшеттерге күтім жасау, зиянкестермен күрес және ағаштардың ылғалдылығын қадағалау сияқты тәсілдерді түсіндірді. Биылғы еңбек маусымында өңірдегі 3200 жасты жұмыспен қамту жоспарланған. Олар құрылыс, қаланы абаттандыру, көгалдандыру бағыттары бойынша еңбек етіп жүр. «Жасыл ел» жасақтарының күшімен биыл қоқыс полигонына 400 тонна тұрмыстық қалдық төгілген.
Меруерт Ізгілік, «Жасыл ел» еңбек жасағының сарбазы:
Маған бұл жұмыс ұнайды, себебі табиғатқа жақынмын. Екіншіден, еңбекқормын, жұмысты талғамаймын. Ата-анама қолғабыс болып, каникулда бос жатпайын деп еңбек етіп жүрмін.
Нұрсұлтан Нұрсейіт
