Абай облысында «Таза Қазақстан» бағдарламасына қатысқан 10 ауыл жүлдеге ие болды. Семейде өңірлік «Үлгілі ауыл» байқауы қорытындыланды.
Шара аймақтағы экологиялық ахуалды жақсарту және тұрғындарды елді мекендерді абаттандыру жұмыстарына кеңінен тарту мақсатында ұйымдастырылды. Мамандар жыл бойы ауыл көшелерін, аулалар мен қоғамдық кеңістіктердің жай-күйін бағалап, тазалық пен тәртіпті сақтауға тұрғындардың қаншалықты атсалысқанын бақылады.
Жеңімпаздар 10 номинация бойынша марапатталды. Коммуналдық қызметтердің материалдық-техникалық базасын нығайту үшін елді мекендерге 20 жаңа трактордың кілті табысталды.
Айдын Қожаев, Таскескен ауылының әкімі:
- Игілікті шараның бастамасы жоғары деңгейде өтті. Ең өзекті мәселенің бірі ауылға деген қажет трактор көлігі болатын. Ауылдың тазалдығына басқа да шаруаларына үлкен жұмыс атқаратын тазалықтың бірден бір себепкері. Көмек құралы ретінде трактор бізге өте қажеттілік болатын.
