Түркістан облысы Келес ауданының жастары ел бірлігін дәріптеп, табиғатты қорғау шарасын ұйымдастырды.
«Бірлік – ел тірегі» атты басқосу «Таза Қазақстан» республикалық акциясы аясында өтті. Кездесуге аға буын өкілдері де қатысып, татулық пен бірлік тақырыбында пікір алмасты. Қатысушылар ел ішіндегі сыйластық пен өзара түсіністікті арттырудың маңыздылығын атап өтті. Жиын соңында жастар экологиялық тазалық акциясын өткізіп, өзен бойын тұрмыстық қалдықтардан арылтты. Флешмоб форматында өткен шара табиғатты қорғау мен экологиялық мәдениетті қалыптастыруға бағытталды.
Айбек Тәшкенбай, Келес ауданы жастар ресурстық орталығының басшысы:
- «Таза Қазақстан» акциясының басты мақсаты жастар арасында тазалықты ұйымдастыру жастардың бойына сіңіру, ауданымызды көркейту, таза ұстау болып табылады.
