Түркістан облысының Темірлан ауылында мемлекетке қайтарылған активтер есебінен өнер мектебі салынып жатыр.
Құны 890 млн теңге болатын мектеп ғимараты 300 орынға шақталған. Нысан жыл соңына дейін пайдалануға беріледі. Өнер ордасы көрші ауылдардың оқушыларын да қабылдайды. Ордабасы ауданындағы мәдениет саласы ардагерлері мен жергілікті тұрғындар құрылысты өздері бақылап, сапалы жүргізілуін қадағалап отыр.
Құрманәлі Жылқыбай, мәдениет саласының ардагері:
- Алайда қазіргі таңда оның тозығы жеткен. Заманның талабына сай болмай біз армандап жүрген болатынбыз, «жаңа өнер мектебі салынса» деп. Соған қолжеткізіп отырмыз. Бұл өнер мектебінен неше түрлі біздің аудандағы таланттар өсіп-шығып, білім алып, біздің еліміздің рухани дүниесіне үлес қосады деген ойдамын.
Нұрдәулет Сүйіндіков, ҚР Бас прокуратурасы активтерді қайтару жөніндегі комитет төрағасы:
- Бүгінгі күнге үкіметтің мақылдауымен ел бойынша мектептер, спорт кешендері, мәдениет ошақтары салынып жатыр. Халқымыз биылдың өзінде осы активтерді қайтару жөніндегі жұмыстың нақты нәтижесін өздері сезінетін болады. Бүгінгі күнге Түркістан облысы бойынша қайтарылған активтер есебінен 27 осындай құрылысты қаржыландыру туралы шешім қабылданды.
