Қазақстан құрамасы Ташкентте өткен матчте Өзбекстан командасын жеңді, — деп хабарлайды Massaget.kz тілшісі Vesti.kz-ке сілтеме жасап.
Өзбекстан астанасындағы екінші кездесу Рикардо Кака шәкірттерінің пайдасына 5:2 есебімен аяқталды.
Жеңімпаздар қатарында Азат Валиуллин, Альберт Акбаликов (дубль), Біржан Оразов және Ақжол Дарибай көзге түсті.
Ал 16 қазанда өткен алғашқы ойында Өзбекстан құрамасы 2:1 есебімен жеңіске жеткен еді.
Еске салайық, Өзбекстан құрамасы 2026 жылғы Азия кубогының финал кезеңіне жолдама алды. Қазақстан құрамасы плей-оффта Италиядан ұтылып, Еуро-2026 турниріне өте алмады.
Қызықты жаңалықтар мен видеоларды көру үшін TikTok арнамызға жазылыңыз!
