Әбу Дабиде Әзербайжан мен Армения 30 жылдан астам уақытқа созылған қақтығыстан кейінгі бейбіт бітім жобасы бойынша келіссөз жүргізді. Кездесу 5 сағатқа созылды. Қос делегацияны ел президенттері Ильхам Әлиев пен Никол Пашинян бастап барды.
Тараптар бейбітшілік жөніндегі құжатқа қол қоюға дайын екендерін наурызда айтқан. Әзірге жоба мәтіні жарияланған жоқ. Армения Сыртқы істер министрлігінің сайтындағы ақпарат бойынша келісім жер аумағының тұтастығын өзара мойындау, шекараны межелеу және шегендеу сияқты маңызды мәселелерді қамтиды. Соңғы айда Баку мен Ереван шекара бойына үшінші елдердің әскерін орналастырмау және халықаралық соттарға берген арыздарды қайтарып алу бойынша уағдаластыққа қол жеткізген еді.
