Танымал әнші Мадина Сәдуақасова ұлына дайындап қойған пәтерін сыйлады, деп хабарлайды Skifnews .kz ақпарат порталы.
Өнер иесі ұлының мектебінің тура жанынан пәтер сатып алды.
“Балаға пәтер сыйласаң, оның өміріндегі 10 жылын жеңілдетесің дейді ғой.
Ал біз тура мектебіне қарама-қарсы үйде пәтер алып өзіміздің өмірімізді жеңілдеттік. Енді тек жолдан өте саламыз, Алматының кептелісінде сағаттап тұрмаймыз. Сосын өзімізге ыңғайлап құрылысын жасап жатырмыз. Үйдің жөндеу жұмыстары, ремонт әлі жүріп жатыр. Бұйырса 1-қыркүйек күні мектепке осы үйден қатынаймыз. Басқа бөлмелерге Әнуардың өзі келіп, көмектесіп жатыр. Өзінің бөлмесі 90 пайыз бітті. Құтты, берекелі үй болсын!”, – деп жазды әнші.
Өнер иесінің ұлы 10 жасқа толып, бастауыш сыныппен қоштасқан еді.
“Достар, жақында мен бір адамға пәтер сыйлаймын деп айтқан едім. Сол адамның кім екенін енді айтайын. Ол менің ұлым – Әнуар. Балам Шоқан мектебінде оқиды. Мектепке әкелу үшін алыстан қатынап жүрдік. Бір күні балам мектептің жанынан үй алайықшы дегенді айтты. Таңертең бұл көшеде кептеліс болады. Сол үшін біз мектепке жете алмай, Әнуарды жолдың бойынан тастап кететін едік. Енді міне, жүргіншілер жолынан өтіп келе қояды. 17 маусым – ұлымның туған күні. Соған дайындықты бастадық. Жөндеу жұмыстары әлі жүріп жатыр. 12 күннен кейін бітіп, кілтін қолына ұстатамын”, – деген еді эстрада жұлдызы.
Посмотреть эту публикацию в Instagram
Публикация от Мадина Садвакасова (@sadvakasovamadina)
