Шымкентте жастарға арналған жалдамалы пәтерлерді меншігінде баспанасы бар азаматтар иеленгені анықталды, — деп хабарлайды Massaget .kz тілшісі "Седьмой канал" телеарнасына сілтеме жасап.
Телеарна мәліметінше, 2019 жылы қала жастарына сатып алу құқығынсыз тұрғын үйлер берілген. Олар бұл баспананы 5 жыл жалдап тұруы керек болған. Алайда үйі бар азаматтар осы бағдарламаны пайдаланған.
Мәліметке сүйенсек, жастар 451 пәтерді заңсыз иемденген. Кейбірі тіпті пәтерлерді басқа адамға жалға беріп, өзі пайда тауып отырған.
"Тексеріс қорытындысы бойынша 451 пәтердің барлығы қаланың коммуналдық меншігіне қайтарылады. Ал пәтерді босатпай отырғандар сот арқылы шығарылады", — деді қала әкімінің орынбасары Сәрсен Құранбек.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
