Бүгін – қазақтың маңдайын біткен жарық жұлдызы, Қазақстан тарихында мәнерлеп сырғанаудан алғашқы әрі жалғыз Олимпиада жүлдегері Денис Теннің туған күні. Талантты спортшы көзі тірі болғанда бүгін 32 жасқа толар еді. Денис жеті жыл бұрын кісі қолынан қаза тапты. Ол көлігінен айна ұрлап жатқан екі адаммен сөзге келіп қалып, сол жерде күдіктінің бірі пышақтап кеткен еді. Денис Тен — Қазақстанның үш дүркін чемпионы, Азия ойындары мен Универсиада жеңімпазы. Сонымен бірге, төрт құрлық чемпионатының 2015 жылғы чемпионы. Сочи Олимпиадасының қола жүлдегері. Әлем чемпионаттарында қола және күміс медаль жеңіп алған.
Көзі тірі болғанда дарынды спортшы Денис Тен 32 жасқа толар еді. Мәнерлеп сырғанау спортының шебері қысқа ғана ғұмырында жеткен жетістіктері мен бағындырған биіктері аз емес. Өз ісінің майталманы ірі сайыстарда жүлделі болып, Әлемдік аренада елдің абырайын асқақтатты. Олимпиада жүлдегері атанды. Ол небәрі 25 жасында қаскөйлердің қолынан қаза тапқан еді. Мәнерлеп сырғанау өнерінің майталманы Денистің есімі халықтың жүрегінде мәңгі сақталады.
Темірлан Нұржанұлы
