Анастасия Городко халықаралық турнирде топ жарды. Қазақстандық фристайл-могул шебері Францияның Тинь қаласында өткен жарысқөа қатысып, екі мәрте жеңіске жетті.
Яғни алтын жүлде еншіледі. Бұған қоса Аяулым Әмренова мен Антон Бондарев қола медалаьға ие болды.
Жәнібектің спорттық мансабы қалай болады?
Жәнібектің допинг қолданғаны расталса, чемпиондық белдіктерін тартып алады. Бұған қоса, кемі жарты жылға спорттан шеттетеді. Бұл жөнінде қазақстандық кәсіпқой боксшының менеджері Берік Сұлтан мәлімдеді. Ол араға біраз уақыт салып, әлеуметтік желі арқылы көпшілік көкейіндегі сұрақтарға жауап берді. Айтуынша, бастапқыда алынған қан мен зәр сынамасы таза шықты. Кейін VADA мамандары қайтадан зәр сынамасын алды. «Екі сынаманың арасында біз тамақтарды да, витаминдерді де өзгертпедік. Барлығы – спортшыларға рұқсат етілген. Тіпті, сол витаминдерді тексеруге де бердік, бәрі таза. Бұл қалай болғанына әлі күнге дейін жауап жоқ», – деді Берік Сұлтан. Қалай болғанда да нақты шешім қаңтардың сегізінде белгілі болады. Яғни дәл сол күні Жәнібек Әлімханұлының В допинг сынамасы ашылады. Айта кетейік, жерлесіміздің 15 қарашада тапсырған допинг сынамасынан тыйым салынған мельдоний перпараты анықталған болатын. Артынша VADA ұйымы боксшыға ресми түрде хат жолдап, Жәнібек Әлімханұлы мен Эрисланди Ларамен кездесуі өтпейтінін жариялады.
Берік Сұлтан, Жәнібек Әлімханұлының менеджері:
- Егер сынама оң нәтиже көрсетсе, Жәнібектен WBO және IBF титулдарын алалды. Бұған қоса жарты жылға, бір жылға не бір жарыс жылға дисквалификация беруі мүмкін. Бірақ біз ондай жағдайда да берілмейміз. Жәнібек небәрі 33 жаста. Кроуфорд 38 жасында «Канелоны» жеңді. Біз әлі талай белесті бағындырамыз.
«Барыс» отандық ойыншылармен толықты
Қазақ балары да хоккей ойнай алады. Елімізде биыл спорт туралы заң қабылданып, легионерлерді бюджеттен қаржыландыру тоқтатылғаннан кейін «Барыс» клубы отандық ойыншылармен толыға бастады. Әсіресе, жас таланттарға жақсы мүмкіндік ашылды. Бұл жөнінде қазақстандық клубтың департамент директоры Жігер Әзберген мәлімдеді. Оның айтуынша, команда сапына қосылған жігіттер өте сәтті өнер көрсетіп жатыр. Мәселен, бүгінге дейін құрлықтық хоккей лигасында 38 матч өткізіп, оның 14-інде жеңіске жетті. Соның арқасында турнир тізімінде айтырлықтай көтеріліп, Шығыс Конференциясының 8-ші сатысында жайғасты. Мемлекеттік және квазимемлекеттік сектордан қаржыландыру шектелуіне байланысты қазір клуб демеушілер іздеп тауып, солардың көмегімен бірер шетелдік хоккейшілерді тартпақ. Бұл қадам жалпы нәтиженің жақсаруына және жоғарыда айтқан жас қазақ жігіттерінің шеберлігін шыңдауға аса қажет дейді.
Үздік боксшылар марапатталды
Алматылық боксшылар жылды табысты аяқтады. Қалалық бокс федерациясы биылғы жұмысты қорытындылап, чемпиондар мен жүлдегерлерді марапаттады. 2025 жылы ересектер арасында екі бірдей әлем біріншілігі болды. Бірін Халықаралық бокс қауымдастығы ұйымдастырса, екіншісін Әлемдік бокс ұйымы өткізді. Бахрейнде жасөспірімдер арасындағы Азия ойындары мен Азия чемпионаты болды. Одан өзге бірнеше халықаралық жарыстың жалауы желбіреді. Осындай ірі додаларда алматылық былғары қолғап шеберлері ұзын саны 52 медаль жеңіп алды. Оның 24-і алтын,15-і күміс және 13-і қола жүлде. Алуа Балқыбекова екі дүркін әлем чемпионы атанса, Назым Қызайбай үшінші мәрте төрткіл дүниені мойындатты. Виктория мен Елдана да олжа салды. Абылай Досымбеков, Эмир Мұхиддин, Ақерке Далабай бастаған қыз-жігіттер Азия біріншілігінің чемпиондары атанды. Боксшыларға бағалы сыйлықтар мен ақшалай сертификаттар табысталды. Жаттықтырушылар штабы да назардан тыс қалған жоқ.
Қайрат Дүйсенов, Алматы қаласы Бокс федерациясының құрметті президенті:
- Алуа қызымызға Алматы қаласы Бокс федерациясының атынан көлікті сыйға беріп жатырмыз. Алдағы жылда үлкен бір жарысымыз бар. Азия ойындары. Соған дайындықты бастап кеттік.
Алуа Балқыбекова, екі дүркін әлем чемпионы:
- Салмағымды ауыстырғаныма орай 2024 жылы көп нәтижелі, керемет жыл болды деп айта алмаймын. Бірақ осы жыл жақсы нәтижелер болды. Басты мақсат Азия ойындарында елімізге алтынымызды алып келу. Өйткені бізде Азия ойындарында әйелдер арасында әлі алтын болмаған.
