Халықаралық футбол тарихы және статистикасы федерациясы (IFFHS) әлемдегі ТОП-500 ең үздік футбол клубының жаңа рейтингін жария етті.
Бұл тізімге Қазақстаннан тек бір ғана футбол клубы енді, деп хабарлайды inbusiness.kz сайты.
Рейтингте Францияның "Пари Сен-Жермен" клубы көш бастап отыр. Екінші орынға мадридтік "Реал" жайғасқан, үшінші орында лондондық "Челси" тұр. Ал "Қайрат" 90,75 ұпаймен 240-орынды місе тұтқан.
Осыған дейін "Қайрат" қақпашысы Темірлан Анарбековтің рейтингте "Реал" ойыншысы Килиан Мбаппеден озып шыққаны хабарланды.
Еске салайық, Темірлан Анарбеков Чемпиондар лигасында матчтың үздік ойыншысы атанған алғашқы қазақстандық футболшы атанды.
Бірнеше күн бұрын "Қайраттың" қарсыласымен бірге 18 жыл бұрынғы рекордты жаңартқанын да жаздық.
