Белгілі америкалық The Ring журналы қазақстандық кәсіпқой боксшыны өз рейтингінен алып тастады, деп хабарлайды Sn.kz ақпарат порталы.
Бұған дейін Жәнібек дивизиондық тізімнің көшін бастап тұрған еді. Алайда допинг-тестің оң нәтижесіне байланысты ол үздіктер қатарынан толық шығарылды.
«Бұрын рейтингте бірінші орында тұрған Жәнібек Әлімханұлы осы айдың басында алынған VADA допинг-тестінің қолайсыз нәтижесінен кейін тізімнен алынып тасталды. Соның нәтижесінде қалған боксшылар бір сатыға көтерілді, ал Хесус Рамос-джуниор алғаш рет рейтингке еніп, 10-орынға жайғасты», — деп жазады The Ring.
