Бұл – армия құрамасының аталған турнирдегі екінші алтыны.
Кенияның Найроби қаласында өткен жастар арасындағы әлем чемпионатында Қазақстан Қарулы күштерінің әскери қызметшісі Батырхан Төлеуғали 87 келіге дейінгі салмақ дәрежесінде алтын медаль алды, деп хабарлайды inbusiness.kz сайты.
Шешуші жекпе-жекте Батырханға ирандық спортшы Мохаммад Ализаден қарсылас болды. Жекпе-жек өте тартысты өтті. Екі спортшы да жоғары деңгейдегі техника мен мықты дайындықтарын көрсетті. Дегенмен, Батырхан тактикалық шеберлігі мен жылдам реакциясы арқасында жеңісті жұлып алды.
Батырхан Төлеуғалидың жеңісі армиядағы таеквондшылардың жоғары деңгейдегі дайындықтарын айқындап, Қазақстанда және халықаралық аренада бұл спорт түрінің жаңа белеске көтерілгенін көрсетеді.
