Қорғаныс министрі Дәурен Қосанов Қазақстан армиясындағы әскер ішіндегі әлімжеттік пен заңсыздық туралы білмейтінін хабарлады, деп хабарлайды Skifnews.kz ақпарат порталы КазТАГ сайтына сілтемемен.
«Қалайша – заңсыздық? Армияда әскер ішіндегі зорлық-зомбылық жоқ!» – деді Қосанов сенаттың фойесінде бейсенбі күні журналистердің армиядағы қаза тапқан және зардап шеккен әскерлердің аналарына неге бұрын шықпағаны жөніндегі сұрақтарына жауап бере отырып. «Бірақ әскерде ер жігіттер болғаннан кейін түрлі жайттар болады. Бұл біздің қоғамда да бар ғой. Бізді, әскерді, қоғамнан бөлмеңіздер. Біз де қоғамның мүшесіміз ғой», – деді ведомство басшысы Сенат кулуарында.
Тілшілер «Әскердегі тәртіпті қашан орнатасыз?» деп нақтылады.
«Қазір де орнатып жатырмыз. Барлық жұмысты жасап жатырмыз», – деп атап өтті Дәурен Қосанов.
Журналисттің «Қазақстан армиясында әр ай сайын әскерлер қайтыс болатынын білесіз бе?» деген репликасы Қосановты күлдірген.
«Құдай-ау, сіз не айтып отырсыз!» – деп, мейлінше күліп, қорғаныс министрі атап өтті.
