Франция прокуратурасы бұрынғы президент Николя Саркозиді түрмеден шығарып, соттық бақылауға беру туралы ұсыныс жасады деп хабарлайды Egemen.kz BFMTV-ге сілтеме жасап.
Бұл ұсыныс апелляциялық сот тыңдауында айтылды. Сот Саркозиді босату және оның қамау шарасын өзгерту мәселесін қарастырып жатыр. Ұсыныс бойынша экс-президент түрмеден босатылады, бірақ оған істегі қатысушылармен байланысуға тыйым салынады. Сот шешімі Астана уақытымен сағат 17:30-да шығарылады.
Николя Саркози не үшін түрмеге отырды
2023 жылғы қыркүйекте сот Саркозиді 2007 жылғы сайлау кезінде Ливия билігінен заңсыз қаржыландыру алғаны үшін кінәлі деп таныды. Нәтижесінде, бұрынғы президентке 5 жыл түрме, 100 мың евро айыппұл және 5 жыл мемлекеттік қызметте болмау жазасы тағайындалды.
Саркози бұл шешімді «қате» деп атап, апелляцияға берді. Апелляциялық іс 2026 жылдың наурызында қаралады.
70 жастағы саясаткер 21 қазанда түрмеге отырды.
Николя Саркози — француз саясаткері, 2007–2012 жылдары Франция президенті болған. Көші-қон мәселелеріндегі қатал ұстанымымен танымал. Президенттіктен кеткеннен кейін де саяси өмірде белсенді болып, Республикалық партияны басқарды. Әйелі — әнші әрі модель Карла Бруни, олардың бір қызы бар.
