Қорғаныс министрі Дәурен Қосанов әскери қызметшілерді мемлекеттік және ведомстволық наградалармен марапаттады. Қарулы күштер қатарында қажырлы еңбек етіп келе жатқан қызметкерлерге " Айбын ", "Жауынгерлік ерлігі үшін, "Ерен еңбегі үшін", "Ел қорғаны" сынды мәртебелі төсбелгілер табысталды.
Республика күні құрметіне арналған жиында Қорғаныс министрі қазақ әскерінің әлеуетін айтып, оң бағасын берді. Биыл «Айбалта», «Десант», «Жауынгерлік достастық» секілді ірі оқу-жаттығулар өтті. «Айбын» XI халықаралық әскери-патриоттық жастар жиыны ұйымдастырылып, Жеңістің 80 жылдығына арналған әскери шеруде сарбаздар сап түзеді.
Дәурен Қосанов, ҚР Қорғаныс министрі:
- 25 қазан ел тарихында маңызды мереке — Республика күні. Осыдан 35 жыл бұрын Қазақстан мемлекетінің егемендігі туралы декларация қабылданды. Республика аса маңызды міндеттері — аумақтың тұтастығы, мемлекетті сақтау мен қорғау, Қазақстанда тұратын ұлттардың дәстүрін, тілін дамыту мен қадір-қасиетін нығайту болып табылады.
