Қаржылық мониторинг агенттігі Перизат Қайраттың мүлкі аукционда сатылатынын мәлімдеді, — деп хабарлайды Massaget.kz тілшісі.
ҚМА төрағасы Жанат Элиманов сот үкімі бойынша тыйым салынған мүлік аукцион арқылы сатылатынын, ал түскен қаражат залалды өтеуге жұмсалатынын айтты.
"Мүлік сот үкіміне сәйкес аукционда сатылады. Сол ақшадан жәбірленуші тарапқа келтірілген залал өтеледі", — деді ол.
Бұған дейін сотта судья Сабыржан Кәрімов тәркіленетін мүліктің тізімін жариялады.
Vella Village коттеджі
Ұрланған ақшаға сатып алынған мүлік тәркіленді:
- Vela Village коттедж қалашығындағы жеке үй;
- Akbulak Riviera, Sensata Plaza, Highvill Ishim Gold, "Көк Жайлау" тұрғын үй кешендеріндегі пәтерлер, тұрақ орындары;
- 2024 жылғы Mercedes-Benz S450, 2024 жылғы Lexus LX 600, 2023 жылғы Mercedes-Benz EQE 500 4 matic, 2024 жылғы Haval H6 GT көліктері;
- Rebel Flowers (гүл бизнесі) ЖШС жарғылық капиталындағы 100 пайыз үлес;
- 97 миллион теңгеден аса қаржы және 22 мың доллар.
ҚМА кадры
Перизат Қайрат туралы не белгілі?
Перизат Қайрат — Biz Birgemiz Qazaqstan қайырымдылық қорының төрайымы, Қазақстандағы белсенді еріктілер қозғалысының жетекшісі ретінде танымал.
2024 жылы 14 қарашада Қаржылық мониторинг агенттігі Перизат Қайрат 1,5 миллиардты жымқырды деген күдікке ілінгенін хабарлады.
Еске салайық, биыл 25 шілдеде Перизат Қайрат орташа қауіпсіздік деңгейіндегі мекемеде 10 жылға бас бостандығынан айырылды. Ал Перизат Қайраттың анасы 7 жылға сотталды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
