Қызылорда облысының Шиелі ауданында оқушылар үйі мен өнер мектебіне арналған ғимараттың құрылысы аяқталды.
Енді қосымша үйірмелер ашып, жеткіншектердің шығармашылығын шыңдауға мүмкіндік мол. Одан бөлек, аудан орталығында жұқпалы ауруларды емдейтін бөлімше ашылды. Жалпы биыл ауданда бірнеше әлеуметтік маңызды нысан жаңғыртудан өтті. Облыс әкімі Нұрлыбек Нәлібаев ауданға жұмыс сапары кезінде аталған мекемелердің жұмысымен танысты.
Шиелі ауданындағы күрделі жөндеуден өткен нысанның бірі Ыбырай Алтынсарин атындағы нөмірі 219 меткеп. 40 жылдық тарихы бар білім ордасының ғимараты заманауи талаптарға сай қайта жаңғыртылды.
Дәуренбек Нәсібеков, аудандық білім бөлімінің басшысы:
- Ауылдық жердегі тіректі мектептердің әлеуетін дамыту «Қазақстан халқына» қорынан 28 матевациялық кабинетпен жабдықталып, оқушыларды қабылдауға толық дайын болып отырмыз.
Шиелі кентінде 200 орынды оқушылар үйі мен 50 орынды өнер мектебіне арнап салынған екі қабатты ғимарат пайдалануға берілді. Қосымша білім беру ұйымдарында 40-қа жуық үйірме жұмыс істейді. Балалардың өнер, білім, шығармашылықпен айналысуына барлық жағдай жасалған.
Нұрлыбек Нәлібаев, облыс әкімі:
- Білім аламын деген адамға, шығармашылықпен айналысамын деген адамға, спортпен айналысамын деген балаларымызға барлық мүмкіндіктер мемлекеттің қолдауымен жасалған. Соңғы үш жылда ауылдардың өзінде 20-дан астам спорт кешендері салынды. Биыл 6 спорт кешені салынуда.
Облыс әкімі 30 төсектік жұқпалы аурулар бөлімшесінің ашылу рәсіміне де қатысты.
Олжас Ысқақов, облыстық денсаулық сақтау басқармасының басшысы:
- Еліміздегі арнайы қайтарылған активтер есебінен салынған бірден бір ірі құрылытардың бірі қосымша құрылыс, инфекциялық бөлімше жалпы 3 млрд қаражат.
Нұрлыбек Нәлібаев Шиелі теміржол вокзалының күрделі жөндеу жұмыстарымен танысты. 120 жылдан астам тарихы бар нысан тәулігіне 163 жолаушы мен 13 пойызға қызмет көрсетеді.
Нұрлан Жақыпбеков, Нұржан Мұзарапшин, Ақан Әлиев
