Астанада мектеп оқушысы суға батып кете жаздады . Оқиға Сарыарқа ауданына қарасты коммуналдық жағажайда болған, деп хабарлайды El.kz ақпарат агенттігі.
Ш.Бейсекова көшесіндегі көпірге жақын жерде патрульдеу барысында ТЖМ жедел-құтқару жасағының қызметкерлері суда қайғылы оқиғаның алдын алды. Суға шомылу кезінде 11 жастағы баланың аяқ бұлшық еті кенеттен ұйып, ол судағы қозғалыс кезінде үрей мен қиындық белгілерін бере бастаған.
Бала судан шығарылды. Медициналық көмек қажет болған жоқ — оның жағдайы қанағаттанарлық",-деп атап өтті ТЖМ.
