Астанада 16 жасар жасөспірім суға батып кете жаздады, деп хабарлайды El.kz интернет порталы.
Есіл өзенінің арнасын патрульдеу кезінде елордалық құтқарушылар қайғылы оқиғаның алдын алды. ТЖМ жедел-құтқару жасағының құтқарушылары тыйым салынған орында суға батып жатқан жас баланы байқап қалып, дереу көмекке үмтылған.
Құтқарушылардың жедел әрекеттерінің арқасында 2009 жылы дүниеге келген бала дереу судан шығарылды. Оған медициналық көмек қажет болмаған.
Ведомство тұрғындардан судағы қауіпсіздік ережелерін мүлтіксіз сақтауды сұрайды.
