Павлодарда екі оқушы 7 жасар баланың тілін кеспек болды деп айыпталды, — деп хабарлайды Massaget.kz тілшісі pavlodarnews.kz-ке сілтеме жасап.
Жәбірленушінің анасы әлеуметтік желіде мән-жайды баяндап берді.
"Шамамен 10 жастағы екі бала ұлымды жерге құлатып, біріншісі ұстап тұрып, екіншісі басынан, денесінен тепкілеген. Кейін тілін қайшымен кесе бастаған. Есеңгіреген ұлым олардан қашып, кіреберіске жетіп үлгеріп, үйге кірді", — деді жәбірленушінің анасы.
Посмотреть эту публикацию в Instagram
Публикация от ТИПИЧНЫЙ ПАВЛОДАР (@ti.pavlo)
Облыстық денсаулық сақтау басқармасы мәліметінше, 9 желтоқсанда сағат 14:00-де Павлодар облыстық балалар ауруханасына 2018 жылы туған бала жеткізілген. Алғашқы тексеріс кезінде ми шайқалуы, еріндегі жарақат, сондай-ақ, тіл ұшында жарақаттар салдарынан сөйлеу қабілеті бұзылғаны анықталған.
"Бала травматология бөлімшесінде ем алып жатыр. Жағдайы тұрақты. Медициналық көмек толық көлемде көрсетіледі", — деп жазылған хабарламада.
Полиция қасақана жеңіл дене жарақатын келтіру дерегі бойынша қылмыстық іс қозғаған.
Instagram парақшамызға жазылып, ең қызықты ақпараттарды бірінші болып оқыңыз!
