Астанада Біріккен Ұлттар Ұйымының алғашқы Орталық Азия кейс-чемпионаты өтті.
Шараға Қазақстан, Қырғызстан, Тәжікстан, Түрікменстан және Өзбекстаннан 30 студент қатысты. Олар университеттік ортадағы цифрлық гендерлік зорлық-зомбылыққа қарсы инновациялық шешімдерін ұсынды. Студенттер нақты оқиғаларға негізделген кейстерді зерттеді. Мысалы, бір университетте қыздардың суреттеріне жасанды интеллекттің көмегімен дип-фейк жасалып, оны әлеуметтік желіде тарату фактісі анықталған. Осы мәселені шешу үшін қатысушылар цифрлық саясат енгізу, зардап шеккендерді қолдау механизмдерін жасау және жасанды интеллект арқылы тыйым салынған контентті анықтау сияқты түрлі тәсілдер ұсынды. Айта кетейік, шара «Гендерлік зорлыққа қарсы 16 күн» халықаралық науқаны аясында өткізілді.
Гүлмира Шрахметова, Әйелдер істері және отбасы-демографиялық саясат жөніндегі ұлттық комиссияның мүшесі:
- 25 қарашадан бастап бүкіл республика аумағында гендерлік зорлық-зомбылыққа қатысты, соның ішінде цифрлық зорлық-зомбылыққа қарсы 16 күндік науқан жүріп жатыр. 5 мемлекеттен келген жастардың осы проблемаға деген ойын, көзқарасын білу және де дұрыс ақпараттық жұмыстар жүргізу.
Елжан Әлімқұл, қатысушы:
- Топтың ұсынып жатқан жобасы генндерлік зорлық-зомбылыққа қарсы компанияның бір бөлігі ретінде өз жобамызды ұсынып жатырмыз. Мақсаты цифрлық зорлық-зомбылықтың алдын алу. Жасанды интеллект арқылы суреттер жіберу, біреудің атынан хабарламалар жазу, басқа да зорлық-зомбылықтың түрлері.
