Абай облысында ауылдық округтің бұрынғы әкімі бюджет қаражатын жымқырғаны үшін сотталды, — деп хабарлайды Massaget.kz тілшісі.
Мән-жайы
Үржар ауданы прокуратурасы ауылдық округтің бұрынғы әкімі қоғамдық жұмыстарға бөлінген 500 мың теңгеден аса қаражатты жымқырғанын анықтаған.
Осылайша материалдар Сыбайлас жемқорлыққа қарсы іс-қимыл агенттігінің департаментіне жолданған.
Сот үкімі
Сот үкімімен бұрынғы әкім ҚК-нің 190-бабы (Алаяқтық) бойынша кінәлі деп танылды. Ол мемлекеттік қызмет атқару құқығынан өмір бойына айырылды, оған қоса бұрынғы шенеунікке 3 жыл 6 ай мерзімге бас бостандығынан айыру жазасы кесілді.
Үкім заңды күшіне енді. Мемлекетке келтірілген залал толық өтелді.
Instagram парақшамызға жазылып, ең қызықты ақпараттарды бірінші болып оқыңыз!
