АҚШ президенті Дональд Трамп тұрғындардың азық-түлік бағасына қатысты наразылығынан кейін 200-ден астам тауарға тарифті төмендетті. Шешім АҚШ-та өндірілмейтін өнімдерге қабылданды.
Тізімге сиыр еті, кофе, банан және апельсин шырыны сияқты күнделікті тұтынатын азық-түлік өнімдері кіреді. Ақ үйдің дерегіне сай, тарифтердің төмендеуі АҚШ пен бірқатар мемлекеттер арасындағы өзара тиімді келісімдердің нәтижесі болып табылады. Трамп келесі жылдан бастап табысы орта және төмен азаматтарға 2000 доллар төлеуді көздеп отыр. Қаражат импортқа салынатын баж салығынан түсетін төлем есебінен бөлінеді.
