Салтанатты іс-шараға еліміздің Мәдениет және ақпарат министрі Аида Балаева қатысты.
Ресей мен Қазақстан достығы саябағы. Бұл атау екі елдің тамыры терең тарихи және мәдени байланысынан бастау алады. Сондай-ақ Астанада бой көтерген Қазақстан мен Ресейдің мәңгілік достығы Аллеясына арналған жауап іспетті. Жасыл желекке оранған саябақ Мәскеудегі Алматы метросы аялдамасының алдында орналасқан. Бұл метростанцияның атауы 2012 жылы Панфилов дивизиясы құрылған қаланың құрметіне қойылды.
Аида Балаева, ҚР Мәдениет және ақпарат министрі:
- Біз Қазақстан мен Ресей Достығы саябағын аштық. Бұл біз үшін көп саябақтың бірі емес. Екі елдің басшысы Қасым-Жомарт Тоқаев пен Владимир Владимирович Путин арасындағы көпжылдық достықтың, өзара сенім мен риясыз құрметтің белгісі. Тарихы терең халықтар арасындағы мәңгілік достықтың нышаны.
Андрей Якцин, РФ Кеңесі Төрағасының бірінші орынбасары:
- Саябақтың ашылуына куә болып, қатысып жатқаным мен үшін үлкен құрмет. Мәскеу қаласы басқармасының бастамасымен және Ресей Федерациясы Сыртқы істер министрілігінің қолдауымен жүзеге асқан бұл айтулы іс-шара Ресей мен Қазақстан арасындағы достық, стратегиялық қарым-қатынастық айқын көрінісін блідіреді.
Саябақ қала тұрғындары үшін серуендеп бойын жазатын жаңа, жайлы орынға айналды. Әрі алдағы уақытта түрлі мәдени іс-шаралар өтетін алаң болмақ.
БЛИЦ:
- Менің үйім осы маңда. Мұнда не болып жатқанын терезеден көріп қалып, қызығып келдім. Бұл орынға достық саябағы деген атау беріліп жатыр екен. Үш баланың анасы ретінде бұл нағыз серуендеуге таптырмас саябақ деп айта аламын.
- Бұл саябақтар серуендеуге, отбасымен, достармен уақыт өткізуге жайлы жер. Мұндай жап-жасыл инфрақұрылым қаланың әр ауданына қажет деп ойлаймын.
Саябақ атауы Қазақстан президенті Қасым-Жомарт Тоқаевтың Ресей Федерациясына ресми іссапары барысында өзгертілді.
Фариза Жанғанаева, Наргиза Рахимжан, Алексей Мжельский
