АҚШ президенті Дональд Трамп BBC тілшілерін өзінің сөзін бұрмалап, 2024 жылғы президент сайлауының қорытындысына ықпал етуге тырысқан деп айыптады, деп хабарлайды Egemen.kz TACC агенттігіне сілтеме жасап.
«BBC-дегі басты тұлғалар, соның ішінде бастығы Тим Дэйви 6 қаңтарға қатысты менің өте жақсы (мінсіз!) сөзімді бұрмалап тастағаны үшін қызметінен кетіп жатыр/жұмыстан шығарылды. The Telegraph-қа осы жемқор «тілшілерді» әшкерелегені үшін рахмет. Бұлар президент сайлауының қорытындысына әсер етуге тырысқан опасыз адамдар. Оған қоса, олар көпшілік біздің бірінші одақтасымыз деп санайтын басқа елден. Демократия үшін қандай қорқынышты», деп жазды Трамп Truth Social-да.
The Daily Telegraph мәліметінше, BBC Panorama бағдарламасында Трамп сөзі АҚШ Капитолийін басып алуға шақырғандай етіп көрсетілген. Ал шын мәнінде, ол азаматтық көзқарасты бейбіт жолмен білдіру қажеттілігін айтқан. Ақ үйдің баспасөз хатшысы Кэролайн Ливитт BBC-ді жалған ақпарат таратты деп сынаған.
Бұған дейін Тим Дэйви 2021 жылдың 6 қаңтарына қатысты даудан кейін бас директор қызметінен кететінін хабарлаған, ал жаңалықтар бөлімінің басшысы Дебора Тернесс те қызметтен кеткен.
