Алматыда Азаматтық авиация академиясынын жанынан Студенттер үйі ашылды.
Жатақхана 482 орынға шақталған. Ішінде қажеттінің бәрі бар. Жиһаз, интернет, ас үй техникасымен жабдықталған. Сондай-ақ коворкинг аймағы, спорт зал, медициналық кабинет және демалыс орны қарастырылған. Айта кетейік бұрын бұл нысан «Қазаэронавигация» мекемесінің балансында болған. Былтыр академияның меншігіне алынып, ғимарат қайта жаңғыртудан өтті. Жөндеу жұмыстары мемлекеттік-жекеменшік әріптестік аясында жүзеге асырылды. Қазір жоғары оқу орны мен мен оның колледжінде 4 мыңға жуық студент оқиды. Әлі де болса, жатақхана тапшылығы сақталып отыр. Алматыда жыл соңына дейін тағы 16 студенттер үйі ашылады.
Бекен Сейдахметов, Азаматтық авиация академиясының ректоры:
- Сұраныс бар, сұранысты толық қамтамасыз ете алмай отырмыз. Қалған балаларымыз Алматыда хостелдерде тұрып жатыр. Келесі жылы тағы жеріміз бар. Жақын кезеңдерде конкурс жариялап, тағы инвесторлар тауып, келесі жылы тағы 500 орындық жатақхана ашамыз ба деген алдымызда тұрған жоспарымыз бар.
