Биыл алғашқы 3 айда әлем бойынша туристер 1 трлн 700 млрд доллар жұмсады. Нәтижесінде бұл саладан түскен жаһандық табыс 11% өсті. Дүниежүзілік туризм ұйымының дерегі бойынша бір турист орта есеппен 1170 долларға саяхаттаған.
Бұл коронавирус пандемиясына дейінгі көрсеткіштен 20% көп. Туризмнен ең көп табыс табатындар – АҚШ пен Еуропа елдері. Азия нарығы да қарқынды дами бастаған. Мәселен, Жапонияда табыс 34%, Непалда 18%, ал Оңтүстік Кореяда 14% артқан.
