ХАМАС Израильмен уақытша бітімге келуге даяр.
Тіпті АҚШ-тың ұсынысына да келісіп отыр. Мұны Рейтер агенттігі хабарлады. Құрама Штаттар атысты 70 күнге тоқтатуды ұсынды.
Келісім жобасын президент Дональд Трамптың арнайы өкілі Стив Уиткофф сенімді адамдары арқылы жіберген. ХАМАС 10 израильдік тұтқынды босатуы тиіс. Ал еврей армиясы Газа секторының кей жерінен әскерін шығарады. Алайда бұл ұсынысқа Израиль көнбей отыр. Таяуда ғана Қатарда еврей билігі мен ХАМАС арасында "жанама" келіссөз өткен еді. Бірақ ол жолы екі жақ ортақ келісімге келе алмаған.
