Стоматология саласының дамуы үшін елімізге қомақты инвестиция тартуды ойластыру қажет. Мәжіліс депутаты Гүлдара Нұрымова осындай ұсыныс жасады. Депутат: «Саланың аса қымбат болуына салмақты себеп бар. Отандық стоматология импортқа тәуелді . Қажетті құрал-жабдықтың біршамасы шетелден алынады. Көбіне Корея мен Германия секілді елдерде өндірілетін аппараттарға мұқтажбыз», — дейді.
Гүлдара Нұрымова, ҚР Парламенті Мәжілісінің депутаты:
- Қазақстанда медициналық құралдар-жабдықтар шығарылады. Бірақ оның өндірісі шектеулі. Негізі күрделі технология емес. Құралдар, стоматологиялық имплант, пломба дейміз. Бәрі импорт деп санауға болады. Үлкен инвестиция, білікті кадрлар керек. Тағы да басқа себептер бар. Келешекте осындай өндіріс Қазақстанда болса, әрине, үлкен пайдасы болатын еді.
