Абай облысында 600 шақырымға жуық жол толық жаңғыртылып, 250 шақырым жол орташа жөндеуден өтеді.
Қазір жұмыс жүріп жатыр. Жақында «Өскемен – Семей» бағытының бір бөлігіне орташа жөндеу жасалып, пайдалануға берілді. Бұл бағыт Абай облысы құрылғалы күтімсіз қалған. Тәулігіне 6 мыңнан астам көлік өтетін республикалық маңыздағы трассаны жөндеу жұмыстары келесі жылы да жалғасады. Құрылысы ұзаққа созылып кеткен «Қалбатау – Май-қапшағай» күре жолы-на асфальт төсеу толығымен аяқталды. Жөндеуден өткен жолдардың сапасы азаматтық қоғам өкілдері мен «Жол активтері сапасы ұлттық орталығы» мамандарының бақылауында болАды. Биыл мамандар 200-ден астам тексеріс жүргізіп, құрылысқа пайдаланылған материалдардан 1 мыңға жуық сынама алды.
Айбек Аманбеков, жолға жауапты компания директоры:
- Қазірдің өзінде Көкпектіден Майқапшағайға дейін толықтай қосылды. Қазір ең соңғы қабат жұмыстар аяқталады. Келесі жылы 522 шақырым жол жөндеу жоспарымызда бар. «Өскемен-Семей» толықтай 100 пайыз орташа жөнден өтетін болады. Одан бөлек, Ресей шекарасына шығатын жерде екі учаске жоспарлап отырмыз.
Ақнұр Қайратқызы, қоғам белсендісі:
- Соңғы екі жылдың көлемінде Абай облысы бөлінгелі бері жолдардың сапасына аса қатты назар аударылып жатыр. Екі жылдың ішінде тоқтамай тексеріс жасап жатырмыз. Осы жақтың тұрғындары да келіп бақылап жүреді. Ең бастысы халық риза. Халықтың пайдасына берілгеніне ризамын.
