Түркістан облысында ер адам тойда ән айтқаны үшін бұрынғы келінін соққыға жыққан . Әйел бейнеүндеу жариялады, — деп хабарлайды Massaget.kz тілшісі.
Оқиға 31 тамызда Түркістан облысы Зағамбар ауылындағы мейрамханалардың бірінде болған.
"Ән айтып тұрған жерімнен байқамай да қалдым. Кенет тап болып, бар күшімен бұрынғы күйеуімнің әкесі, бұрынғы қайын атам ұрды", — деді ол.
Оның сөзінше, учаскелік полиция инспекторы оқиға орнына 1 сағаттан аса уақытта жеткен.
"Учаскелік полиция инспекторлары мені сот-медициналық сараптамадан өткізбеді, уақытты созды, мендегі қызарған-ісінген жерлер кетіп қалуын күтті. Өзіміз "шақырамыз" деді", — дейді ол.
Өңір тұрғынының айтуынша, полиция тойдағы куәлардан жауап алмаған, керісінше кешірім беруін сұраған.
"Мен жалғызбасты анамын, мені соншама жұрттың алдында ұрып-соғып, қоғамдық тәртіпті сақтамай, осындай жағдайға жеткізді. Менің абыройымды түсірді. Оған заң жүзінде жауап беруін сұраймын. ...Мені ұрған адам әлі де неге бостандықта шалқып жүр?" — деді ол.
Посмотреть эту публикацию в Instagram
Публикация от ꧁༺Azoda ༻꧂ (@azoda.tolaevna)
Аптаның басты оқиғалары мен пайдалы видеоларды көру үшін YouTube арнамызға жазылыңыз
