Иранның ұлттық валютасы құнсызданып барады.
Қазір Еуроүштік елдері, яғни Германия, Франция және Ұлыбритания Біріккен ұлттар ұйымының Тегеранға қарсы санкцияларын қайта енгізуі мүмкін деген қауіп бар. Сарапшылар: "бұл Иранның төл валютасының әлсіреуіне түрткі болды", деп отыр. Тегеранда 1 доллар 1 миллион реалға бағаланып отыр. Батыс елдері Ислам Республикасын 2015 жылғы ядролық келісімді бұзды деп айыптайды. Ал Иран Еуропа экономикалық шектеуді күшейтсе, Атом энергиясы жөніндегі халықаралық агенттікпен байланысын қайта тоқтататынын ескертті. Ұйымның ел аумағындағы жұмысы бірер күн бұрын ғана жанданған еді. Ал ирандықтар ұлттық валютаның құнсыздануынан өмір сүру күннен күнге қиындап барады, дейді.
